0:00
/
1ܘܝܼܫܘܿܥ: ܐܸܫܬܵܐ ܝܵܘܡܵܢܹ̈ܐ ܡܩܵܕَܡ ܦܸܨܚܵܐ: ܐَܬܹܐܠܹܗ ܠܒܹܝܬ ܥܲܢܝܵܐ: ܐܲܝܟܵܐ ܕܝܼܗ݇ܘܵܐ ܠܲܥܵܙܲܪ: ܗ̇ܘ ܕܡܘܼܩܸܡܠܹܗ ܝܼܫܘܿܥ ܡ̣ܢ ܡܝܼܬܹ̈ܐ. 2ܘܥܒܸܕܠܗܘܿܢ ܐܸܠܹܗ ܬܵܡܵܐ ܐَܟܼܵܠَܪܲܡܫܵܐ: ܘܡܵܪܬܵܐ ܒܸܥܒ̣ܵܕܵܐ ܗ݇ܘܵܐ ܚܸܠܡܲܬ: ܐܝܼܢܵܐ ܠܲܥܵܙܲܪ ܚܲܕَ ܡ̣ܢ ܕܐܵܢܝܼ ܗ݇ܘܵܐ ܕܝܬܝܼܒܹܐ ܗ݇ܘܵܘ ܠܨܘܼܦܪܵܐ ܥܲܡܹܗ. 3ܗ̇ܝܓܵܗ ܡܲܪܝܲܡ ܫܩܸܠܵܗ̇ ܠܝܼܛܪܵܐ ܕܡܸܫܚܵܐ ܕܒܸܣܡܵܐ ܕܢܵܪܕܝܼܢ ܓ̰ܸܢܣ: ܪܵܒܵܐ ܡܵܪܹܐ ܛܝܼܡܵܐ: ܘܡܫܸܚܠܵܗ̇ ܐܩܠܹ̈ܐ ܕܝܼܫܘܿܥ: ܘܡܫܹܠܵܗ̇ ܒܟܵܘܣܘܼܗ̇ ܐܲܩܠܘܼ̈ܗܝ ܘܦܸܫܠܵܗ̇ ܡܸܠܝܵܐ ܒܲܝܬܵܐ ܡ̣ܢ ܪܹܝܚܹܗ ܕܡܸܫܚܵܐ. 4ܐܝܼܢܵܐ ܐَܡܝܼܪܹܗ ܝܼܗܘܼܕܵܐ ܣܟܲܪܝܘܿܛܵܐ: ܚܲܕَ ܡ̣ܢ ܬܲܠܡܝܼܕܘܼ̈ܗܝ: ܗ̇ܘ ܕܒܸܬ ܣܵܦܹܐ ܗ݇ܘܵܐ ܠܹܗ. 5ܩܵܡܘܿܕܝܼ ܠܵܐ ܦܸܫܠܹܗ ܙܘܼܒܢܵܐ ܐܵܗܵܐ ܡܸܫܚܵܐ ܒܬܠܵܬَܡܵܐܐ ܕܝܼܢܵܪܹ̈ܐ ܘܦܸܫܠܹܗ ܝܘܼܗَܒ̣ܵܐ ܠܡܸܣܟܹܢܹ̈ܐ. 6ܐܝܼܢܵܐ ܐܵܗܵܐ ܐَܡܝܼܪܹܗ: ܠܵܐ ܣܵܒܵܒ ܕܥܲܠ ܡܸܣܟܹܢܹ̈ܐ ܐܝܼܬ ܗ݇ܘܵܐ ܠܹܗ ܚܲܡ: ܐܸܠܵܐ ܣܵܒܵܒ ܕܓܹܢܵܒ̣ܵܐ ܗ݇ܘܵܐ: ܘܨܲܢܕܘܼܩܵܐ ܠܟܸܣܠܹܗ ܗ݇ܘܵܐ: ܘܡܸܢܕܝܼ ܕܡܘܼܬܒ̣ܵܐ ܗ݇ܘܵܐ ܓܵܘܹܗ ܗ̇ܘ ܟܹܐ ܛܵܥܸܢ ܗ݇ܘܵܐ. 7 ܐܝܼܢܵܐ ܐَܡܝܼܪܹܗ ܝܼܫܘܿܥ: ܫܒ̣ܘܿܩ ܠܵܗ̇: ܠܝܵܘܡܵܐ ܕܩܒ̣ܘܼܪܬܝܼ ܩܲܡ ܢܵܛܪܵܗ̇ ܠܹܗ. 8ܣܵܒܵܒ ܒܟܠ ܙܲܒ̣ܢܵܐ ܡܸܣܟܹܢܹ̈ܐ ܐܝܼܬ ܠܵܘܟ̣ܘܿܢ ܠܟܸܣܠܵܘܟ̣ܘܿܢ: ܐܝܼܢܵܐ ܐܵܢܵܐ ܒܟܠ ܙܲܒ̣ܢܵܐ ܠܲܝܬ ܠܵܘܟ̣ܘܿܢ. 9ܘܝܕܸܥܠܗܘܿܢ ܟܸܢܫܹ̈ܐ ܪܵܒܵܐ ܡ̣ܢ ܝܗَܘܼܕܵܝܹ̈ܐ ܕܬܵܡܵܐ ܗ݇ܘܵܐ: ܘܐ݇ܬܹܐܠܗܘܿܢ: ܠܵܐ ܗܲܪ ܣܵܒܵܒ ܕܝܼܫܘܿܥ: ܐܸܠܵܐ ܐܘܼܦ ܕܚܵܙܝܼ ܠܠܲܥܵܙܲܪ: ܗ̇ܘ ܕܡܘܼܩܸܡܠܹܗ ܡ̣ܢ ܡܝܼܬܹ̈ܐ. 10ܘܥܒܸܕܠܗܘܿܢ ܪܵܐܝܝܼ ܓܘܼܪ̈ܵܢܹܐ ܕܟܵܗܢܹ̈ܐ ܕܐܘܼܦ ܠܠܲܥܵܙܲܪ ܩܵܛܠܝܼ. 11ܣܵܒܵܒ ܪܵܒܵܐ ܡ̣ܢ ܝܗَܘܼܕܵܝܹ̈ܐ ܒܣܵܒܵܒ ܕܗ̇ܘ ܒܹܐܙܵܠܵܐ ܗ݇ܘܵܘ ܘܗܲܡܘܼܢܹܐ ܒܝܼܫܘܿܥ. 12ܘܒܝܵܘܡܵܐ ܐ݇ܚܹܪ݇ܢܵܐ ܟܸܢܫܵܐ ܪܵܒܵܐ ܕܐܬܝܼܵܐ ܗ݇ܘܵܐ ܠܥܹܐܕܵܐ: ܟܲܕ ܫܡܸܥܠܗَܘܿܢ ܕܝܼܫܘܿܥ ܒܹܐܬܵܝܵܐ ܗ݇ܘܵܐ ܠܐܘܿܪܸܫܠܸܡ. 13ܫܩܸܠܗܘܿܢ ܦܲܥܘܵܢܹ̈ܐ ܕܚܘܼܪ̈ܡܹܐ: ܘܦܠܸܛܠܗܘܿܢ ܠܐܘܼܪܚܹܗ: ܘܩܘܼܘܸܚܠܗܘܿܢ ܐܘܿܫܲܥܢܵܐ: ܒܪܝܼܟ̣ܵܐ ܝܠܹܗ ܗ̇ܘ ܕܐܵܬܹܐ ܒܫܸܡܹܗ ܕܡܵܪܝܵܐ: ܡܲܠܟܵܐ ܕܝܼܣܪܵܝܹܠ. 14ܘܝܼܫܘܿܥ ܡܘܼܫَܟ̰ܸܚܠܹܗ ܟܘܼܪܪܵܐ ܘܝܬܸܒ̣ܠܹܗ ܥܲܠܘܼܗܝ: ܕܵܐܟ̣ܝܼ ܕܟܬܝܼܒ̣ܵܐ ܝܠܹܗ. 15ܠܵܐ ܙܵܕܥܝܲܬܝ: ܒܪܵܬܵܐ ܕܨܸܗܝܘܿܢ: ܗܵܐ: ܡܲܠܟܵܟ̣ܝ ܒܹܐܬܵܝܵܐ ܝܠܹܗ: ܘܪܟܝܼܒ̣ܵܐ ܥܲܠ ܟܘܼܪܪܵܐ ܕܚܡܵܪܬܵܐ. 16ܐܲܢܹܐ ܠܵܐ ܝܕܸܥܠܗܘܿܢ ܬܲܠܡܝܼܕܘܼ̈ܗܝ ܩܵܕَܡܵܝܬܵܐ: ܐܸܠܵܐ ܟܲܕ ܦܸܫܠܹܗ ܚܩܝܼܪܵܐ ܝܼܫܘܿܥ: ܕܟܸܪܗܘܿܢ ܕܐܲܢܹܐ ܟܬܝܼܒܹܐ ܗ݇ܘܵܘ ܒܵܗَܣܹܗ؛ ܘܕܲܐܢܹܐ ܥܒܸܕܠܗܘܿܢ ܐܸܠܹܗ. 17ܘܝܵܗَܒܸܠ ܗ݇ܘܵܐ ܣܵܗܕܘܼܬܵܐ ܗ̇ܘ ܟܸܢܫܵܐ: ܕܥܲܡܹܗ ܗ݇ܘܵܐ ܟܲܕ ܩܪܹܐܠܹܗ ܠܠܲܥܵܙܲܪ ܡ̣ܢ ܩܲܒ̣ܪܵܐ ܘܡܘܼܩܸܡܠܹܗ ܡ̣ܢ ܡܝܼܬܹ̈ܐ. 18ܘܣܵܒܵܒ ܕܐܵܗܵܐ ܦܠܸܛܠܗܘܿܢ ܩܵܕَܡܘܼܗܝ ܟܸܢܫܵܐ: ܕܫܡܸܥܠܗَܘܿܢ ܕܐܵܗܵܐ ܢܝܼܫܲܢܩܵܐ ܥܒܸܕܠܹܗ. 19ܐܝܼܢܵܐ ܦܪ̈ܝܼܫܹܐ ܐܵܡܪܝܼ ܗ݇ܘܵܘ ܚܲܕَ ܠܗ̇ܘ ܐ݇ܚܹܪ݇ܢܵܐ: ܒܸܚܙܵܝܵܐ ܝܬܘܿܢ ܕܠܹܐ ܝܬܘܿܢ ܡܲܙܝܘܼܕܹܐ ܡܸܢܕܝܼ: ܗܵܐ: ܟܠܹܗ ܥܵܠܡܵܐ ܐَܙܸܠܹܗ ܒܵܬَܪܹܗ. 20ܐܝܼܢܵܐ ܐܝܼܬ ܗ݇ܘܵܘ ܐܘܼܦ ܐ݇ܢܵܫܹ̈ܐ ܝܵܘܢܵܝܹ̈ܐ ܓܵܘ ܕܐܵܢܝܼ ܕܐܣܸܩܠܗܘܿܢ ܠܸܣܓ̣ܵܕܵܐ ܒܥܹܐܕܵܐ. 21ܐܲܢܹܐ ܐ݇ܬܹܐܠܗܘܿܢ ܠܟܸܣ ܦܝܼܠܝܼܦܘܿܣ: ܗ̇ܘ ܕܡ̣ܢ ܒܹܝܬ ܨܲܝܵܕܵܐ ܕܓܠܝܼܠܵܐ: ܘܒܘܼܩܸܪܗܘܿܢ ܡܸܢܹܗ ܘܐܵܡܪܝܼ: ܐܵܓ̣ܵܝܝܼ: ܒܲܥܝܵܚ ܚܵܙܵܚ ܠܝܼܫܘܿܥ. 22ܘܐَܬܹܐܠܹܗ ܦܝܼܠܝܼܦܘܿܣ ܘܐَܡܝܼܪܹܗ ܠܐܲܢܕܪܹܐܘܿܣ: ܘܐܲܢܕܪܹܐܘܿܣ ܘܦܝܼܠܝܼܦܘܿܣ ܐَܡܸܪܗܘܿܢ ܠܝܼܫܘܿܥ. 23ܘܝܼܫܘܿܥ ܓ̰ܘܼܘܸܒܠܹܗ ܘܐَܡܝܼܪܹܗ ܐܸܠܵܝܗܝ: ܐَܬܹܐܠܵܗ̇ ܣܵܥܲܬ ܕܦܵܐܹܫ ܚܩܝܼܪܵܐ ܒܪܘܿܢܹܗ ܕܐ݇ܢܵܫܵܐ. 24ܬܪܘܿܨܵܐ: ܬܪܘܿܨܵܐ: ܒܹܐܡܵܪܵܐ ܝܘܸܢ ܐܸܠܵܘܟ̣ܘܿܢ: ܕܕܲܢܕܸܟܬܵܐ ܕܚܸܛܹ̈ܐ: ܐܸܢ ܠܵܐ ܢܵܦܠܵܐ ܘܡܵܝܬܵܐ ܒܐܲܪܥܵܐ: ܒܢܲܦ̮ܫܘܼܗ̇ ܟܹܐ ܦܵܝܫܵܐ: ܐܝܼܢܵܐ ܐܸܢ ܡܵܝܬܵܐ: ܗܵܨܝܼܠܹ̈ܐ ܪܵܒܵܐ ܟܹܐ ܡܲܝܬَܝܵܐ. 25ܡ̇ܢ ܕܡܲܚܸܒ ܓܵܢܹܗ ܒܸܬ ܬܵܠܸܩ ܠܵܗ̇: ܘܡ̇ܢ ܕܣܵܢܹܐ ܓܵܢܹܗ ܒܐܵܗܵܐ ܥܵܠܡܵܐ ܒܸܬ ܢܵܛܸܪܵܗ̇ ܠܚܲܝܹ̈ܐ ܕܠܐܵܒܲܕ. 26ܐܸܢ ܐ݇ܢܵܫܵܐ ܥܵܒܸܕ ܚܸܠܡܲܬ ܐܸܠܝܼ: ܐܵܬܹܐ ܒܵܬَܪܝܼ: ܘܐܲܝܟܵܐ ܕܐܵܢܵܐ ܝܘܸܢ ܬܵܡܵܐ ܒܸܬ ܗܵܘܹܐ ܐܘܼܦ ܚܸܠܡܲܬܟܵܪܝܼ. ܘܐܸܢ ܐ݇ܢܵܫܵܐ ܥܵܒܸܕ ܚܸܠܡܲܬ ܐܸܠܝܼ: ܒܸܬ ܡܝܵܩܸܪܹܗ ܒܵܒܵܐ. 27ܐܵܕܝܼܵܐ ܓܵܢܝܼ ܫܓ̣ܝܼܫܬܵܐ ܝ݇ܠܵܗ̇: ܘܡܘܼܕܝܼ ܐܵܡܪܸܢ: ܝܵܐ ܒܵܒܵܐ: ܦܵܨܝܼ ܠܝܼ ܡܐܵܗܵܐ ܣܵܥܲܬ. ܐܸܠܵܐ ܣܵܒܵܒ ܕܐܵܗܵܐ ܐَܬܹܐܠܝܼ ܠܐܵܗܵܐ ܣܵܥܲܬ. 28ܒܵܒܵܐ: ܚܩܘܿܪ ܫܸܡܘܼܟ. ܘܩܵܠܵܐ ܐَܬܹܐܠܹܗ ܡ̣ܢ ܫܡܲܝܵܐ: ܚܩܸܪܝܼ: ܘܡܸܢَܕܪܸܫَ ܒܸܬ ܚܵܩܪܸܢ. 29ܘܟܸܢܫܵܐ ܕܟܸܠܝܵܐ ܗ݇ܘܵܐ ܫܡܸܥܠܗَܘܿܢ: ܘܐَܡܸܪܗܘܿܢ: ܪܲܥܡܵܐ ܗَܘܹܐܠܹܗ. ܐܝܼܢܵܐ ܐ݇ܚܹܪ̈݇ܢܹܐ ܐَܡܸܪܗܘܿܢ: ܡܲܠܲܐܟ̣ܵܐ ܗܘܼܡܙܸܡܠܹܗ ܥܲܡܹܗ. 30ܓ̰ܘܼܘܸܒܠܹܗ ܝܼܫܘܿܥ ܘܐَܡܝܼܪܹܗ ܐܸܠܵܝܗܝ: ܠܵܐ ܣܵܒܵܒ ܕܝܼܝܼ ܗَܘܹܐܠܹܗ ܐܵܗܵܐ ܩܵܠܵܐ: ܐܸܠܵܐ ܣܵܒܵܒ ܕܝܼܵܘܟ̣ܘܿܢ. 31ܐܵܕܝܼܵܐ ܝ݇ܠܵܗ̇ ܕܝܼܘܵܢܹܗ ܕܐܵܗܵܐ ܥܵܠܡܵܐ. ܐܵܕܝܼܵܐ ܓܘܼܪܵܐ ܕܐܵܗܵܐ ܥܵܠܡܵܐ ܒܸܬ ܦܵܐܹܫ ܪܘܼܦܝܵܐ ܠܒܲܕܲܪ. 32ܘܐܵܢܵܐ: ܐܸܢ ܦܵܝܫܸܢ ܡܘܼܪܡܵܐ ܡ̣ܢ ܐܲܪܥܵܐ: ܒܸܬ ܓܵܪܫܸܢ ܟܠ ܐ݇ܢܵܫܵܐ ܠܟܸܣܠܝܼ. 33ܐܝܼܢܵܐ ܐܵܗܵܐ ܐَܡܝܼܪܹܗ ܕܡܲܚܙܹܐ ܒܡܘܼܕܝܼ ܡܵܘܬܵܐ ܒܸܬ ܡܵܝܸܬ ܗ݇ܘܵܐ. 34ܓ̰ܘܼܘܸܒܠܹܗ ܐܸܠܹܗ ܟܸܢܫܵܐ: ܐܲܚܢܲܢ ܫܡܸܥܠܲܢ ܡ̣ܢ ܢܵܡܘܿܣܵܐ ܕܡܫܝܼܚܵܐ ܗܲܠ ܥܵܠܲܡ ܒܸܬ ܦܵܐܹܫ: ܘܕܵܐܟ̣ܝܼ ܒܹܐܡܵܪܵܐ ܝܘܸܬ ܕܘܵܓ̰ܸܒ ܝ݇ܠܵܗ̇ ܕܦܵܐܹܫ ܡܘܼܪܡܵܐ ܒܪܘܿܢܹܗ ܕܐ݇ܢܵܫܵܐ: ܡܵܢܝܼ ܝܠܹܗ ܐܵܗܵܐ ܒܪܘܿܢܹܗ ܕܐ݇ܢܵܫܵܐ. 35ܐܵܡܸܪ ܐܸܠܵܝܗܝ ܝܼܫܘܿܥ: ܚܲܕَܟ̰ܵܐ ܙܲܒ̣ܢܵܐ ܐ݇ܚܹܪ݇ܢܵܐ ܒܲܗܪܵܐ ܥܲܡܵܘܟ̣ܘܿܢ ܝܼܠܹܗ. ܚܕܘܿܪܘܿܢ ܗܵܠܵܐ ܕܐܝܼܬ ܠܵܘܟ̣ܘܿܢ ܒܲܗܪܵܐ: ܕܚܸܫܟܵܐ ܠܵܐ ܡܵܛܹܐ ܠܵܘܟ̣ܘܿܢ. 36ܘܡ̇ܢ ܕܚܵܕܸܪ ܒܚܸܫܟܵܐ ܠܹܐ ܝܵܕܸܥ ܠܐܲܝܟܵܐ ܟܹܐ ܐܵܙܸܠ. ܗܵܠܵܐ ܕܐܝܼܬ ܠܵܘܟ̣ܘܿܢ ܒܲܗܪܵܐ: ܗܲܡܸܢܘܿܢ ܒܒܲܗܪܵܐ: ܕܒܢܘܿܢܹ̈ܐ ܕܒܲܗܪܵܐ ܗܵܘܹܝܬܘܿܢ. ܐܲܢܹܐ ܗܘܼܡܙܸܡܠܹܗ ܝܼܫܘܿܥ: ܘܐَܙܸܠܹܗ ܛܘܼܫܝܵܠܹܗ ܓܵܢܹܗ ܡܸܢܵܝܗܝ. 37ܐܝܼܢܵܐ ܐܵܦܸܢ ܕܗܲܕܟ̣ܵܐ ܢܝܼܫܲܢܩܹ̈ܐ ܪܵܒܵܐ ܥܒܸܕܠܹܗ ܩܵܕَܡܵܝܗܝ: ܠܵܐ ܗܘܼܡܸܢܘܿܢ ܒܝܹܗ. 38ܕܦܵܝܫܵܐ ܬܘܼܡܸܡܬܵܐ ܗܹܡܸܙܡܵܢ ܕܐܹܫܲܥܝܵܐ ܢܒ̣ܝܼܵܐ: ܕܐَܡܝܼܪܹܗ: ܡܵܪܝܵܐ: ܡܵܢܝܼ ܗܘܼܡܸܢܹܐ ܠܡܲܫܡܵܥܝܬܲܢ: ܘܕܪܲܥܢܹܗ ܕܡܵܪܝܵܐ ܠܡܵܢܝܼ ܦܸܫܠܹܗ ܓܸܠܝܵܐ. 39ܣܵܒܵܒ ܕܐܵܗܵܐ ܠܹܐ ܡܵܨܝܼ ܗ݇ܘܵܘ ܕܗܲܡܸܢܝܼ ܗ݇ܘܵܘ: ܣܵܒܵܒ ܡܸܢَܕܪܸܫَ ܐَܡܝܼܪܹܗ ܐܹܫܲܥܝܵܐ. 40ܡܘܼܣܡܹܠܹܗ ܥܲܝܢܵܝ̈ܗܝ: ܘܡܘܼܩܫܹܠܹܗ ܠܸܒܵܝܗܝ: ܕܠܵܐ ܚܵܙܝܼ ܒܥܲܝܢܵܝ̈ܗܝ: ܘܦܲܪܡܝܼ ܒܠܸܒܵܝܗܝ: ܘܕܵܝܪܝܼ: ܘܒܵܣܡܸܢܗܘܿܢ. 41ܐܲܢܹܐ ܐَܡܝܼܪܹܗ ܐܹܫܲܥܝܵܐ: ܣܵܒܵܒ ܕܚܙܹܐܠܹܗ ܚܸܩܪܹܗ: ܘܗܘܼܡܙܸܡܠܹܗ ܒܵܗَܣܹܗ. 42ܐܝܼܢܵܐ ܐܘܼܦ ܡ̣ܢ ܪܹ̈ܫܵܢܹܐ ܪܵܒܵܐ ܗܘܼܡܸܢܗܘܿܢ ܒܝܹܗ: ܐܸܠܵܐ ܡܣܵܒܵܒ ܕܦܪ̈ܝܼܫܹܐ ܠܹܐ ܡܵܘܕܝܼ ܗ݇ܘܵܘ: ܕܠܵܐ ܗܵܘܝܼ ܗ݇ܘܵܘ ܠܒܕܲܪ ܡ̣ܢ ܟܢܘܼܫܬܵܐ. 43ܣܵܒܵܒ ܕܡܘܼܚܸܒܠܗܘܿܢ ܚܸܩܪܵܐ ܕܒܢܲܝ̈ܢܵܫܵܐ ܙܵܘܕܵܐ ܡ̣ܢ ܚܸܩܪܵܐ ܕܐܲܠܵܗܵܐ. 44ܘܝܼܫܘܿܥ ܩܘܼܘܸܚܠܹܗ ܘܐَܡܝܼܪܹܗ: ܡ̇ܢ ܕܗܲܡܸܢ ܒܝܼܝܼ: ܠܹܐ ܝܠܹܗ ܒܝܼܝܼ ܗܲܡܘܼܢܹܐ: ܐܸܠܵܐ ܒܡ̇ܢ ܕܫܘܼܕܪܸܢܹܗ. 45ܘܡ̇ܢ ܕܐܸܠܝܼ ܚܵܙܹܐ: ܒܸܚܙܵܝܵܐ ܝܠܹܗ ܠܗ̇ܘ ܕܫܘܼܕܪܸܢܹܗ. 46ܐܵܢܵܐ ܒܲܗܪܵܐ ܐَܬܹܐܠܝܼ ܠܥܵܠܡܵܐ: ܕܟܠ ܕܗܲܡܸܢ ܒܝܼܝܼ ܠܵܐ ܥܲܪܩܸܠ ܒܚܸܫܟܵܐ. 47ܘܐܸܢ ܐ݇ܢܵܫܵܐ ܫܵܡܹܥ ܗܹܡܸܙܡܵܢܝܼ̈ ܘܠܵܐ ܢܵܛܸܪܗܘܿܢ: ܐܵܢܵܐ ܠܹܐ ܕܵܝܢܸܢܹܗ: ܣܵܒܵܒ ܠܵܐ ܐَܬܹܐܠܝܼ ܕܕܵܝܢܸܢ ܠܥܵܠܡܵܐ: ܐܸܠܵܐ ܕܡܲܚܸܢ ܠܥܵܠܡܵܐ. 48ܡ̇ܢ ܕܡܲܣܠܹܐ ܠܝܼ ܘܠܵܐ ܩܵܒܸ̇ܠ ܗܹܡܸܙܡܵܢܝܼ̈: ܐܝܼܬ ܚܲܕَ ܕܕܵܝܸܢܹܗ: ܗܹܡܸܙܡܵܢ ܕܗܘܼܡܙܸܡܠܝܼ: ܗ̇ܝ ܒܸܬ ܕܵܝܢܵܐ ܠܹܗ ܒܝܵܘܡܵܐ ܐَܚܵܪܵܝܵܐ. 49ܣܵܒܵܒ ܐܵܢܵܐ ܡ̣ܢ ܓܵܢܝܼ ܠܵܐ ܗܘܼܡܙܸܡܠܝܼ: ܐܸܠܵܐ ܒܵܒܵܐ ܕܫܘܼܕܪܸܢܹܗ: ܗ̇ܘ ܝܘܼܗَܒܼܸܠܹܗ ܐܸܠܝܼ ܦܘܼܩܕܵܢܵܐ: ܡܘܼܕܝܼ ܐܵܡܪܸܢ ܘܡܘܼܕܝܼ ܗܲܡܙܸܡܸܢ. 50ܘܒܝܼܕܵܥܝܵܐ ܝܘܸܢ ܕܦܘܼܩܕܵܢܹܗ ܝܼܠܹܗ ܚܲܝܹ̈ܐ ܕܠܐܵܒܲܕ. ܒܲܣ ܐܵܢܝܼ ܕܗܲܡܙܘܼܡܹܐ ܝܘܸܢ: ܕܵܐܟ̣ܝܼ ܕܐَܡܝܼܪܹܗ ܐܸܠܝܼ ܒܵܒܝܼ: ܗܲܕܟ̣ܵܐ ܗܲܡܙܘܼܡܹܐ ܝܘܸܢ.